Haa Thoda Muskil Hai..

Updated: Apr 24


Char diwaro ke bich betha hu lakho khayalo se lipat kar ek halki si teri mahak hai aas paas mere.

Ye andhera teri kami ka ehsaas kra raha hai aasmaan ke sab aajad tare or chamakta chand meri tanhai ka majak uda raha hai.

Kabhi dil karta bhag kar tere paas aane ka lekin sath hi dar lagta hai tere naraj ho jane ka,

Tujhse dubara mil pane ki aas kabhi kabhi juthi lagne lagti hai or sab hosle dam todne lagte hain to kabhi tere sath jindgi bitane ke ye khaab Hakikat ban’ne ke liye dhadkano se bhi tez dhodne lagte hain.

Ek pal ke liye lagta bas abhi ke abhi baatein karne lag jau tumse fir dusre hi pal sochta hu ki kahin main khudgarz to nhi ban raha jo sirf apni khushi or sukoon ki fikr karta hai jo tumhari muskaan or marji ka khayal hi nhi karta

Or dheere dheere inhi sawalo mein ulajh kar rah jata hu.

Kai ghanto khud se bahas karke akhir mein faisla fir tere haq mein hi kar leta hu ki teri khushi mere sukoon se jyada ehmiyat rakhti hai mere liye.

Khudko samjhata hu ki achha yahi rahega ki chup rahu or door rahu tumse tumhari khushi or humare pyaar ke liye.

Lagta hai ki jaise main khudke hi hathon se khudka hi galla daba raha hu.

Halat meri us parindey ki taraf ho gyi hai jiske paas pankh to hain lekin nhi hai to sirf umid or udeshay udne ke liye.

Haa thoda muskil hai lekin karlunga main kyuki ab sabar karne ki aadat ho gyi hai mujhe.


written by.- Vikash (Vkay Singh)


50 views8 comments

Recent Posts

See All